Bholi larki!
mat is khawab ke peeche bhago
pathar ban ker reh jao gi
tez boht hai waqt ka darya
tum bhi is main beh jao gi
yeh nashtar jaise ruswai
bolo, kaise seh pao gi
kya bachon jaise baaton se
tum sab ko behla sakti ho?
kya tum apne man ki mantaq
duniya ko samjha sakti ho?
khawabon jaise baatain ker k
kya taabirayain paa sakti ho?
baap ki shafqat, maa ki mamta
kya such much thukra sakti ho?
jis ghar main parwan charhen tum
is ko chore ke aa sakti ho?
aise baatain na mumkin hain
bus tum apni tanhai main
hijar ke geet hi gaa sakti ho
No comments:
Post a Comment