Dasht-e-tanhai may aiy jaan-e-jahaan
larzaan hain
teyree waaz kay saa'ay
terey honton kay saraab
dasht-etanhai may
doori kay khas-o-khaaq talay
khil rahay hain
terey pehloon kay samand aur gulaab
utth rahi hai kaheen qurbat say
teyree saans ki aanch
apni khushboo may sulagtee hoo'i
madham madham
door ufaq par chamaktee hoo'i
qatra qatra gir rahee hae
teyree dildaar nazar ki shabnam
iss qadar pi'yar say aiy jaan-e-jahan
rakha hae
dil kay rukhsaar pay iss waqt
teyree yaad nay haath
yun gumaa hotaa hai
garchai hai abhi subh-e-firaat
dhal ga'ya hijr ka din
aa bhi ga'yi wasl ki raat
No comments:
Post a Comment