Sunday, March 6, 2011

Kab ho gai zindagi ki shab

Kab ho gai zindagi ki shab, kuch samajh nahi aaya
rukhsat ho gaye duniya se kab, kuch samajh nahi aaya

Sabki thi fikar-o-fugaan, sabse thi adavat-e-nihaan
unki is fitrat ka sabab, kuch samajh nahi aaya

Umr saari guzaar gaye yoon jid-o-jahad main woh
aakhir kis cheez ki thi talab, kuch samajh nahi aaya

Giraftaar-e-balaa the, ya khush te apni qazaa se
halath banaai thi aisi ajab, kuch samajh nahi aaya

Zindagi ka safar to tanha hi basar hua lekin
maiyyat main kyon shareek the sab, kuch samajh nahi aaya

No comments:

Post a Comment

Advertisement